રાજ્ય ચૂંટણી આયોગ દ્વારા છોટાઉદેપુર નગર પાલિકાની ચુંટણી માટે 28 માંથી 14 બેઠકો મહિલાઓ માટે અનામત રખાઇ
છોટાઉદેપુરમાં નગર પાલિકા બોર્ડની મુદ્દતને ફેબ્રુઆરી માસમાં પાંચ વર્ષ પૂર્ણ થયા હતા. જ્યારે ઘણા સમય થી ચૂંટણી ની રાહ જોવાઇ રહી હતી. આજરોજ રાજ્ય ચૂંટણી આયોગ દ્વારા નગર પાલિકાની બેઠકોની ફાળવણી અંગે જાહેરનામું બહાર પાડવામાં આવ્યું છે. છોટાઉદેપુર નગર પાલિકા કુલ સાત વોર્ડમાં અંદાજે 25787 કુલ વસ્તી જ્યારે વોર્ડ દીઠ સરેરાશ વસ્તી 3684 ધરાવે છે. જેમાં 28 બેઠકો માં સ્ત્રી બેઠકો 14, અનુસૂચિત જાતિ, અનુ. આદિજાતિ તથા પછાત વર્ગની સ્ત્રી બેઠકો સહિત, અનુસૂચિત જાતિ માટે અનામત બેઠકો 2, અનુસૂચિત આદિજાતિ માટે અનામત બેઠકોની સંખ્યા 7, પછાત વર્ગ માટે અનામત બેઠક 5, જાહેર કરવામાં આવી છે. જેમાં કુલ અનામત બેઠકો 21 અને સામાન્ય બેઠકો 7 નો સમાવેશ થાય છે. જ્યારે છોટાઉદેપુર નગરપાલિકા ચૂંટણી બાબતે બેઠકો બાબતેનું જાહેરનામુ પ્રસિદ્ધ થતા રાજકીય ક્ષેત્રે ચહલ પહલ જોવા મળી રહી છે.
રિપોર્ટર મોહસીન સુરતી છોટાઉદેપુર
