શહેરમાં ઓવર સ્પીડથી વાહન ચલાવનારોઓ સામે શહેર પોલીસ અને ટ્રાફીક શાખાએ લાલ આંખ કરી અકોટા બ્રિજ પાસે ઓવર સ્પીડ માપી વાહનચાલકોના ફોટા પાડી સ્થળ પર જ દંડની કાર્યવાહી હાથ ધરવામાં આવશે.
વડોદરા શહેરમાં અકસ્માતો પર નિયત્રંણ માટે ઓવર સ્પીડથી વાહન ચલાવનારા સામે કાર્યવાહી કરાવામાં આવશે. વડોદરામાં લાઈટ મોટર વ્હીકલથી નીચેના વાહનો માટે 40 કિલોમીટરની સ્પીડ મર્યાદા અને ભારે વાહનો માટે 30 કિલોમીટરની સ્પીડ મર્યાદા નક્કી કરવામાં આવી છે. શહેરના જુદા જુદા સ્થળો પર લેઝર સ્પીડ ગન દ્વારા ઓવર સ્પીડ માપી વાહનચાલકોના ફોટા પાડી સ્થળ પર જ દંડની કાર્યવાહી હાથ ધરવામાં આવશે. અકોટા બ્રિજ ઉપર આ કાર્યવાહી હાથ ધરી જો કોઈ વાહન ચાલક ઓવર સ્પીડમાં પોતાનું વાહન ચલાવશે તો તે દંડને પાત્ર રહેશે. આગામી દિવસોમાં શહેરમાં આ કામીગીરીને પગલે અકસમાતોની સંખ્યામાં ચોક્કસ ઘટાડો થશે.
