ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ ગાંધીનગર દ્વારા આયોજિત એસએસસી ફેબ્રુઆરી માર્ચ 2025 ના પરિણામો આજરોજ જાહેર થયા છે. આ પરિણામ અંતર્ગત છોટાઉદેપુર જિલ્લાનું પરિણામ 84.69% નોંધાયેલું છે. છોટાઉદેપુર જિલ્લામાં કુલ 10,415 વિદ્યાર્થીઓએ પરીક્ષા આપી હતી. જેમાંથી કુલ 8,820 વિદ્યાર્થીઓ પાસ થયા છે. છોટાઉદેપુર જિલ્લામાં ગયા વર્ષ કરતા આ વર્ષે પરિણામમાં સુધારો જોવા મળી રહ્યો છે. જેથી જિલ્લા વાસીઓમાં પણ ખુશી સાથે આનંદની લાગણી જોવા મળી છે.
મોહસીન સુરતી, છોટાઉદેપુર
