વડોદરા શહેરના મહુડા વિસ્તારમાં આવેલ બેંક ઑફ બરોડા સહિત વિવિધ બેંકોના કર્મચારીઓ આજે દેશવ્યાપી હડતાળમાં જોડાયા હતા. દેશવ્યાપી હડતાળના સમર્થનમાં શહેરના બેંક કર્મચારીઓએ કામથી અલિપ્ત રહી વિરોધ નોંધાવ્યો હતો.
૧૦ કેન્દ્રીય શ્રમ સંગઠનો દ્વારા આપવામાં આવેલા આહવાનને અનુસરી વડોદરાની વિવિધ રાષ્ટ્રીયકૃત અને ખાનગી બેંકોના અંદાજે ૨,૦૦૦ થી ૨,૫૦૦ જેટલા કર્મચારીઓ હડતાળમાં સામેલ રહ્યા હતા. જેના કારણે શહેરમાં બેંકિંગ સેવાઓ પર નોંધપાત્ર અસર જોવા મળી હતી.
ગ્રાહકોને નાણાકીય વ્યવહારો, જમા-ઉઠાંતરી તથા અન્ય દૈનિક સેવાઓમાં મુશ્કેલીનો સામનો કરવો પડ્યો હતો. હડતાળ દરમિયાન કર્મચારીઓએ પોતાના વિવિધ પ્રશ્નો અને માંગણીઓ અંગે સરકાર સમક્ષ અવાજ ઉઠાવ્યો હતો.
