તા.૨૯/૧૦/૨૦૨૪ ના રોજ બપોરના ત્રણ થી ચાર વાગ્યાના દરમ્યાન મોપેડની ડેકી કોઇ અજાણ્યા ચોરે ખોલી ડેકીની અંદર રાખેલ રોકડા રૂ.૪૦,૦૦૦/- ની ચોરી કરી લઈ ગયેલ.
ઉપરોક્ત બનેલ ડેકીમાંથી રૂપીયાની થયેલ ચોરીનો અનડીટેકટ ગુનો હોય આ ગુનામાં સંડોવાયેલ આરોપીને સત્વરે શોધી કાઢી ગુનો ડીટેકટ કરવા આવ્યો હતો
આરોપીની સીસીટીવી, ટેકનીકલ, હ્યુમન સોર્સ આધારીત કરેલ તપાસમાં આ ગુનામાં એક સ્પ્લેન્ડર પ્લસ મો.સા.અને ભાંડવાડામાં રહેતા મહમંદહુસેન ઉર્ફે કાલુ મિર્ઝા તેમજ મોઇનખાન પઠાણ શંકાસ્પદ જણાઇ આવતા જેથી ટીમ આ શંકાસ્પદ મો.સા.અને બન્ને ઇસમોની ભાંડવાડા ખાતે તપાસમાં રહેતા દરમ્યાન આ શંકાસ્પદ મો.સા.પર બે ઇસમો ભાંડવાડામાંથી નિકળી જતા જણાતા આ મો.સા.ને રોકવા માટે ક્રાઇમ બ્રાન્ચની ટીમે ઇશારો કરતા બન્ને ઇસમો પોલીસને જોઈ મો.સા.પલ્ટાવી નાશવાની કોશીશ કરતા તેઓ શંકાસ્પદ હોય બન્ને ઇસમોને તેઓ પાસેની મો.સા.સાથે કોર્ડન કરી આ બન્ને ઇસમમાં ન.(૧) મોઇનખાન મહેમુદખાન પઠાણ તથા ન.(૨) મહમંદહુસેન ઉર્ફે કાલુ અર્શદભાઇ મિર્ઝા બન્ને રહે. ફતેપુરા ભાંડવાડા વડોદરાના હોય તેઓ પાસેથી રોકડા રૂ.૧૪,૦૦૦/- મળી આવતા આ રૂપીયા અને મો.સા.ની પુછપરછ કરી તપાસ કરતાં આ બન્ને ઇસમો અને એક સગીર એ રીતે ત્રણ જણાએ સંગમ ચાર રસ્તા પાસેના રોડ પર ફ્રુટ લઇ રહેલ ફરીયાદીબેને તેઓની પાસે રૂપીયા ઓલા મોપેડની ડેકીમાં મુકતા જોઇ લેતા આ મહીલાની મોપેડનો ત્રણેયએ મો.સા.પર પીછો કરી ફરીયાદીબેને હરણી વારસીયા રીંગ રોડ પરની એસ.બી.આઇ.બેન્ક પાસે પાર્કીંગમાં તેનુ મોપેડ પાર્ક કરી મહીલા બેંકની અંદર જતાં આ મહીલાની ડેકીમાં રૂપીયા હોવાનુ ખબર હોય ત્રણેય જણાએ આ મહીલાના મોપેડની ડેકી તેમાં રાખેલ રોકડા રૂ.૪૦,૦૦૦/- ની ચોરી કરેલાનુ અને તેઓ પાસેથી મળેલ રૂપીયા આ ચોરી કરેલ રૂપીયા પૈકીના રૂપીયા હોવાનું જણાવતા જેથી આ બન્ને ઇસમોની આ ડેકી ચોરીના ગુનામાં સંડોવણી જણાતા વધુ તપાસ માટે વારશિયા પો.સ્ટે.ને સોંપેલ છે.
