વડોદરાના સનફાર્મા રોડ પાસે ટેબા હાઈટની બાજુમાં સ્ક્રેપના ગોડાઉનમાં આગ લાગતા તંત્ર દોડતું થયું હતું.
વડોદરા શહેરના સનફાર્મા રોડ પાસે ટેબા હાઈટની બાજુમાં સ્ક્રેપના ગોડાઉનમાં આગ લાગતા તંત્રમાં દોડધામ મચી ગઇ હતી.આગ લાગતા વિસ્તારમાં અફરાતફરીનો માહોલ સર્જાયો હતો.બનાવની જાણ ફાયર બ્રિગેડને કરાતા ફાયરની બે ગાડીઓ સ્થળ પર આવી પહોંચી હતી. ફાયરના લાશ્કરો દ્વારા પાણીનો મારો ચલાવી આગને કાબુમાં લીધી હતી.આગની લપેટમાં ગોડાઉનમાં પડેલ તમામ સામગ્રી બળીને ખાખ થઈ ગઈ હતી.આ ઘટનાની જાણ પોલીસને થતા જે.પી રોડ પોલીસ સ્ટેશનનો સ્ટાફ પણ સ્થળ પર દોડી આવ્યો હતો.હાલ આગ લાગવાનું કારણ અકબંધ રહેવા પામ્યું હતું.
