રાજ્ય સરકાર દ્વારા ચલાવવામાં આવી રહેલા અંગદાન મહાદાન અભિયાન અંતર્ગત આજે વડોદરા શહેરની સૌથી મોટી સરકારી સયાજી હોસ્પિટલમાં નર્સિંગ સ્ટાફ દ્વારા ઓર્ગન ડોનેશન અવેરનેસ પ્રોગ્રામનું આયોજન કરવામાં આવ્યું હતું.
વડોદરા શહેરની સૌથી મોટી સરકારી સયાજી હોસ્પિટલમાં શહેર જિલ્લા તેમજ રાજ્ય બહારથી મોટાભાગના દર્દીઓ સારવાર અર્થે મોટી સંખ્યામાં આવતા હોય છે ત્યારે સારવાર અર્થે આવતા દર્દીઓમાં અંગ ડોનેશન માટેનું જાગૃતતા આવે જેના ભાગરૂપે આજે નર્સિંગ એસોસિએશનના સ્ટાફ તથા ઓલ ગુજરાત નર્સિંગ સ્ટાફ એસોસિએશનના હોદ્દેદારો ઈકબાલ કડીવાલા, કમલેશ પરમાર તથા સયાજી હોસ્પિટલ નર્સિંગ એસોસિએશન ના પ્રમુખ નીલકંઠ પટેલ ની આગેવાનીમાં સયાજી હોસ્પિટલના અધિક્ષકની કચેરી પ્રાંગણમાં ઓર્ગન ડોનેશનની લખેલી 36 સાથે જાગૃતતા કાર્યક્રમ યોજાયો હતો જેમાં શહેરના પૂર્વ ભાજપ પ્રમુખ વિજય શાહ તેમજ કાઉન્સિલર બંદિશ શાહ ઉપસ્થિત રહ્યા હતા. સાથે નર્સિંગ સ્ટાફ પણ ઉપસ્થિત રહ્યો હતો.
