વડોદરા શહેરમાં કમાટીબાગ ગાર્ડનમાં મોર્નિંગ વૉક માટે આવનારા લોકોએ વડોદરા મહાનગર પાલિકા સામે આક્રોશ વ્યક્ત કર્યો હતો. કારણ કે વી.એમ.સી. કમિશનર અરૂણ મહેશ બાબુએ તાજેતરમાં જાહેરનામું બહાર પાડ્યું હતું કે હવે કમાટીબાગ સહિત શહેરના અન્ય ગાર્ડનમાં પ્રવેશ માટે ફરજિયાત રજિસ્ટ્રેશન કરાવવું પડશે.
આ નિર્ણયથી નારાજ થયેલા મોર્નિંગ વોકર્સ આજે સવારે મોટી સંખ્યામાં ભેગા થઈ પાલિકા સામે ગુસ્સો વ્યક્ત કર્યો હતો. તેમનું કહેવું હતું કે ગાર્ડન શહેરના લોકો માટે પ્રાકૃતિક શ્વાસસ્થળ છે અને અહીં પ્રવેશ માટે રજિસ્ટ્રેશન ફરજિયાત કરવું લોકહિતમાં નથી.
વોકર્સે માંગ કરી હતી કે કમિશનરે જાહેર કરેલું રજિસ્ટ્રેશન સંબંધી નિયમ પાછો ખેંચવો જોઈએ. તેઓએ પાલિકા પર ગંભીર આક્ષેપો કરતા જણાવ્યું કે આ પ્રકારનો નિર્ણય સામાન્ય નાગરિકોને અનાવશ્યક તકલીફમાં મૂકે છે.
