છોટાઉદેપુર ના પૂનીયાવાંટ મોડેલ સ્કૂલમાં રાજ્ય કક્ષાના મંત્રી અને જિલ્લાના પ્રભારી મંત્રી ભીખુસિંહ પરમારે મુલાકાત કરી હતી. જિલ્લાના પ્રભારી મંત્રીએ શાળા સંકુલ અને ભોજનાલયનું પણ નિરીક્ષણ કર્યું હતું. આરોગ્ય અધિકારી સાથે ચર્ચા બાદ વાયરલ ઈન્ફેક્શન હોવાનો પ્રભારી મંત્રીએ દાવો પણ કર્યો હતો. મોડેલ શાળાના ૧૨૦ જેટલા બાળકો એકી સાથે બીમાર પડ્યા બાદથી રાજકારણ ગરમાયું છે.જિલ્લાના પ્રભારી મંત્રી ભીખુસિંહ પરમાર, સાંસદ જશુભાઈ રાઠવા, ધારાસભ્ય જયંતીભાઈ રાઠવા સહિત સંબંધિત વિભાગના અધિકારીઓ ઉપસ્થિત રહ્યા હતા. પ્રભારી મત્રીએ મુલાકાત લઈને શાળા સંકુલમાં સાફ સફાઈ કરવા બાબતે અધિકારીઓને સુચનો કર્યા હતા. અને ભોજનાલયની પણ મુલાકાત લઈને અધિકારીઓને જરૂરી સૂચનો કર્યા હતા.
રિપોર્ટર મોહસીન સુરતી છોટાઉદેપુર
