છોટાઉદેપુર નગરની મધ્યમાં રજવાડા સમયથી કુસુમ સાગર તળાવ સ્થિત છે. છેલ્લા લાંબા સમયથી તળાવમાં નફ્ફટ વેલાના કારણે ગંદકીનું સામ્રાજ્ય છવાયું હતું. ગંદકીના કારણે આસપાસના રહીશોની સાથે તમામ નગરજનો પરેશાન હતા. નગરની શોભામાં વધારો કરતું તળાવ ગંદકીનું પ્રતીક બન્યું હતું. જેને ધ્યાનમાં લઈને સાંસદ જશુભાઈ રાઠવા,ધારાસભ્ય રાજેન્દ્રસિંહ રાઠવા અને જિલ્લા ભાજપ મહામંત્રી મેહુલભાઈ પટેલ દ્વારા તળાવની સાફ સફાઈ માટે રજૂઆત કરી હતી. જે રજૂઆતના પગલે છોટાઉદેપુર નગરપાલિકા દ્વારા તળાવની સફાઈની કામગીરી શરૂ કરાતા લોકોએ રાહત અનુભવી છે. છોટાઉદેપુર નગરપાલિકા દ્વારા સ્વર્ણિમ જયંતિ મુખ્ય મંત્રી શહેરી વિકાસ યોજના ૨૦૨૩-૨૪ અંર્તગત પચાસ લાખના ખર્ચ પાંચ વર્ષ માટે તળાવ સફાઈ કરવાનું કામ આપવામાં આવતા લોકોમાં આનંદની લાગણી પ્રસરી છે.
છોટા ઉદેપુર નગરના હૃદય સમાન કુસુમ સાગર તળાવનું નગરપાલિકા દ્વારા સફાઈ કામની શરૂઆત કરાતા નગરજનોમાં ખુશીની લહેર પ્રસરી
