વડોદરા : તરસાલી બાયપાસ બ્રિજ પાસે વિચિત્ર અકસ્માત સર્જાયો હતો. તરસાલી બ્રિજ ઉપરના સુરત તરફ જવાના માર્ગે આવેલી હોટલ પાસે એક ટ્રકના ચાલકે પૂર ઝડપે ગફલત ભરી રીતે હંકારી લાવીને હાઇવે પર ઉભેલી અન્ય ટ્રકના પાછળના ભાગે અથડતા ટ્રકનો ચાલક કેબિનમાં ફસાઈ ગયો હતો. જેને ગંભીર ઈજા પહોંચવાના કારણે મહારાષ્ટ્ર ખાતે રહેતા ટ્રક ચાલક 43 વર્ષીય હારુન શેખનું ઘટના સ્થળે જ મોત થયું હતું.બનાવને પગલે ફાયબ્રિગેડના જવાનો અને સ્થાનિક પોલીસ ઘટના સ્થળે પહોંચી હતી અને કેબિનમાં ફસાયેલા ડ્રાઇવરના મૃતદેહને બહાર કાઢ્યો હતો.જ્યારે પોલીસે મૃતદેહને પોસ્ટમોર્ટમ માટે એસએસજી હોસ્પિટલ ખાતે ખસેડી આગળની કાર્યવાહી હાથધરી છે.
વડોદરાના તરસાલી બાયપાસ હાઈવે પર ઉભેલી ટ્રક પાછળ ટ્રક ભટકાતા અકસ્માત
