વડોદરા ગ્રામ્ય પોલીસ દ્વારા ચાલી રહેલા “ઓપરેશન પરાક્રમ” અંતર્ગત લોકલ ક્રાઇમ બ્રાન્ચ (LCB) ને મોટી સફળતા મળી છે. હાલોલ ટાઉન પોલીસ સ્ટેશનમાં નોંધાયેલા ગુનામાં ફરાર રહેલા વોન્ટેડ આરોપીને ઝડપી પાડવામાં આવ્યો છે.
પ્રાપ્ત માહિતી મુજબ આરોપી હરીશ ઉર્ફે હરી ભગવાનસિંહ ચાવડા લાંબા સમયથી નાસતો ફરતો હતો. એલ.સી.બી. ટીમે સાવલી પોલીસ સ્ટેશન વિસ્તારમાં પેટ્રોલિંગ દરમિયાન મળેલી ચોક્કસ બાતમીના આધારે કાસીયાપુરા ગામ ખાતે તેના ઘરેથી ધરપકડ કરી હતી.
પકડાયેલા આરોપીને આગળની કાયદેસરની કાર્યવાહી માટે હાલોલ ટાઉન પોલીસ સ્ટેશનને સોંપવામાં આવ્યો છે.
આ સમગ્ર કાર્યવાહી પોલીસ અધિકારીઓના માર્ગદર્શન હેઠળ સફળતાપૂર્વક પાર પાડવામાં આવી હોવાનું જાણવા મળ્યું છે.
