વડોદરા શહેરના મકરપુરા રોડ પરના એક ફ્લેટમાં એમડી ડ્રગ્સનું વેચાણ કરતી મહિલા અને એક યુવકને પોલીસે ઝડપી પાડયા છે.
ઓએનજીસીની સામે રિધ્ધિ એવેન્યૂ એપાર્ટમેન્ટમાં ડ્રગ્સનું વેચાણ થઇ રહ્યું હોવાની વિગતોને પગલે એસઓજીની ટીમે દરોડો પાડયો હતો.પોલીસે મમતાદેવી ઉર્ફે માયા સુરેન્દ્રભાઇ ભગત(મૂળ રહે.શિવશક્તિ નગર-૨,મકરપુરા ડેપો પાસે)ને ઝડપી પાડી હતી.
મહિલા સાથે ડ્રગ્સના વેચાણમાં મદદ કરતો પાર્થ વિષ્ણુભાઇ પટેલ(ગાયત્રીપાર્ક, તુલસીધામ સોસાયટી પાસે,માંજલપુર) પણ ફ્લેટમાંથી પકડાઇ ગયો હતો.પોલીસે રૃ.૫.૧૯ લાખની કિંમતનું એમડી ડ્રગ્સ,બે મોબાઇલ અને ડિજિટલ વજનકાંટો કબજે કર્યા હતા.
પૂછપરછ દરમિયાન એમડી ડ્રગ્સ રતલામ પાસેના જાવરા ગામે રહેતો મજહરી નામનો શખ્સ સપ્લાય કરતો હોવાની વિગતો ખૂલી હતી.જેથી તેને વોન્ટેડ જાહેર કરી મોબાઇલ નંબરને આધારે પણ તપાસ કરવામાં આવી રહી છે.
