જેતપુર પાવી તાલુકા મામલતદાર કચેરી ના પુરવઠા વિભાગમાં આજ સવારથી જ કેવાયસી સોફ્ટવેર ન ચાલતા ધક્કા ખાવાનો વારો આવ્યો .
પ્રાપ્ત માહિતી મુજબ હાલમાં રેશનકાર્ડમાં કેવાયસીની કામગીરી ચાલતી હોય જેને લક્ષીને દૂર દૂર થી અરજદારો કેવાયસી કરાવવા આવતા હોય છે. પરંતુ આજ સવારથી જ કેવાયસી સોફ્ટવેર ન ચાલતા અરજદારો મુશ્કેલીમાં મુકાયા હતા. પુરવઠા વિભાગની બહાર લાંબી લાઈન લાગી હતી.
જેતપુર પાવીએ એક આદિવાસી વસ્તી ધરાવતો તાલુકો છે અને તાલુકામાં ખુબ અંતરયાર્ડ ગામો આવેલા છે. આવા અંતર યાર્ડ ગામો માંથી આદિવાસી પ્રજા ભાડા ખર્ચીને તાલુકા મથક સુધી આવે છે. અરજદાર પોતાનો કામ-ધંધો છોડી દૂર દૂર થી ભાડા ખર્ચીને આવતા હોય અને સોફટવેર ન ચાલવાના કારણે પાછા જવાના વારા આવે છે.
અગાઉ પણ રેશનકાર્ડ કેવાયસી સોફ્ટવેર ન ચાલવાની ઘટના વારંવાર બનેલી છે. જેને લક્ષીને તંત્ર દ્રારા કોઈ કાર્યવાહી હાથ ધરાય નથી.
રિપોર્ટર : વિમલ રાઠવા, જેતપુર પાવી
