વડોદરા દરજીપુરા ખાતે દારૂના કટિંગની ઉપર દરોડો પાડવા પહોંચેલ એસએમસી ટીમ ઉપર પથ્થરમારો

વડોદરાના દરજીપુરા ખાતે દારૂના કટિંગની માહિતીના આધારે દરોડો પાડવા પહોંચેલ એસએમસી ટીમ ઉપર પથ્થરમારો થયો હોવાની વિગતો સપાટી પર આવી છે. પોલીની ટીમે બચાવમાં બે રાઉન્ડ ફાયરિંગ કર્યું હોવાના નિશાન પણ ટ્રેલરની ડ્રાઈવર કેબીનના કાચ પર મળી આવ્યા છે. આરોપીઓએ પોલીસને ગુમરાહ કરવા ટ્રેલરની આગળ પાછળની નંબરપ્લેટ ગુજરાત -મહારાષ્ટ્ર પાર્સીંગની અલગ અલગ લગાવી હતી. પોલીસે અંદાજે 20 લાખથી વધુનો દારૂનો જથ્થો , લકઝરીયસ કાર, ટ્રેલર સહીત અંદાજે 60 લાખનો મુદામાલ જપ્ત કર્યો છે. પોલીસે 3 આરોપીની અટકાયત કરી છે જયારે અન્ય 7 જેટલા આરોપીઓ નાસી છૂટવામાં સફળ રહ્યા છે. સ્થળ પર એફએસએલની ટીમે પણ કાર્યવાહી હાથ ધરી છે. ઘટનાના કારણે હરણી પોલીસની સામે સવાલો ઉઠ્યા છે. કેસમાં કુખ્યાત બુટલેગર ઝુબેર શફી મેમણ સહિત પાંચ આરોપી વૉન્ટેડ જાહેર કરાયા છે