વડોદરાના ગોરવા પોલીસ સ્ટેશન હદ વિસ્તારમાં મારામારીના બનેલા બનાવમાં પોલીસે ચારમાંથી બે હુમલાખોરને ઝડપી પાડી કાર્યવાહી કરી હતી. ગોરવાના પંચવટી વિસ્તારમાં બે દિવસ પહેલા જાહેરમાં ચાર યુવકો વચ્ચે મારામારી થતાં લોકોના ટોળા ભેગા થયા હતા. જેથી પોલીસે આ બનાવના પ્રત્યાઘાત ન પડે તે માટે ગુનો દાખલ કરી ચારેયની શોધખોળ કરવામાં આવી હતી. આ પૈકી પોલીસે અભિષેક ઉર્ફે બિંદુ અજય ગીરી તેમજ પંકજ ગીરી હરકેશગીરીને ઝડપી પાડ્યા હતા. બંને વિરુદ્ધ પોલીસે અટક સહિતની કાર્યવાહી શરૂ કરતા તેઓએ કાન પકડીને માફી માગી હતી. પોલીસે તેઓને કાયદાનું ભાન કરાવ્યું હતું.
ગોરવામાં જાહેરમાં મારામારી કરનાર બે યુવકને ગોરવા પોલીસે ઝડપી પાડી કાયદાનું ભાન કરાવ્યું
