વડોદરામાં સ્માર્ટ મીટરનો વિરોધ યથાવત જોવા મળી રહ્યો છે,ત્યારે વાઘોડિયા સહિતનાં વિસ્તારોમાં લોકો ઉગ્ર બન્યા હતા. ભારે બિલ અને ગેરવ્યવસ્થાના આરોપ સાથે MGVCLના ગેટ પર વિરોધ કર્યો હતો.
વડોદરા શહેરમાં વિજ કંપની MGVCL દ્વારા લગાવવામાં આવેલા સ્માર્ટ મીટરના લીધે લોકોમાં ભારે અસંતોષ જોવા મળી રહ્યો છે.ત્યારે, વાઘોડિયા રોડ વિસ્તારમાં રહીશોએ કંપની સામે ખુલ્લેઆમ વિરોધ કરતાં જાણાવ્યું કે છેલ્લા પાંચ મહિના સુધી કોઈ વિજ બિલ મળ્યું નહોતું અને હવે ભારે રકમ સાથે એકાથે બિલ આપ્યું છે.ભારે રકમના બિલથી લોકોને આર્થિક મુશ્કેલીનો સામનો કરવો પડી રહ્યો છે. કેટલાંક ગ્રાહકો 7000 રૂપિયાની પેન્શન પર જીવિકો ચલાવે છે અને તેમને 20000 રૂપિયાનું વિજ બિલ આપવામાં આવ્યું છે, જેના કારણે તેઓ તીવ્ર મુંઝવણમાં આવી ગયા છે. પરિણામે, રહીશોએ MGVCLના ઓફિસ પર પહોંચી ઉગ્ર રજૂઆત કરી.ગ્રાહકોની મુખ્ય માંગણી છે કે તેઓનાં બિલોની સમીક્ષા કરવામાં આવે અને 50 ટકા સુધી રાહત આપવામાં આવે. સાથે સાથે લોકોએ ફરજિયાત રીતે સ્માર્ટ મીટર બદલવાના નિર્ણયનો પણ વિરોધ કર્યો છે. લોકોનું કહેવું છે કે તેમને કોઈ પહેલેથી જાણ કરવામાં નહિ આવી અને પુરતાં સમજાવ્યા વિના જૂના મીટર કાઢી સ્માર્ટ મીટર લગાવ્યા છે.
