ગતરોજ લોકસભામાં લોકમહત્વના મુદ્દાઓ પર ચર્ચા દરમિયાન વડોદરાના સાંસદ ડો. હેમાંગ જોશીએ વડોદરા આંતરરાષ્ટ્રીય વિમાનમથકના વિકાસ માટે મહત્વની માગણી ઉઠાવી હતી,જેમાં તેમણે જણાવ્યું હતું કે, વડોદરા તથા સમગ્ર મધ્ય ગુજરાત વિસ્તારનો ઔદ્યોગિક અને શૈક્ષણિક વિકાસ ધ્યાને લઈને વડોદરા એરપોર્ટથી આંતરરાષ્ટ્રીય તેમજ ડોમેસ્ટિક ફ્લાઇટની સંખ્યા વધારવી જરૂરી છે. હાલની મર્યાદિત ફ્લાઇટ સેવાઓના કારણે પ્રવાસીઓ અને ઉદ્યોગકારોને મુશ્કેલીઓનો સામનો કરવો પડે છે.સરકારને આ વિષયે ગંભીરતાથી વિચારવા અપીલ કરી હતી.
વડોદરાના સાંસદ ડો.હેમાંગ જોશીએ લોકસભામાં કહ્યું ‘ફ્લાઇટ વધારો’
