વડોદરાના સંગમ ચાર રસ્તા સંગમ સોસાયટીના નાકે આવેલા શ્રી બાલાજી ચૂલા ઢોંસા રેસ્ટોરન્ટમાં આગ લાગી હતી.બનાવની જાણ થતાં ફાયરબ્રિગેડના લાશકરો સ્થળ પર પહોંચ્યા હતા.જ્યાં રેસ્ટોરન્ટ કમ દુકાનમાં ચૂલા માટે રાખવામાં આવેલા બળતણ- કોલસામાં આગ લાગી હતી.ફાયરબ્રિગેડના જવાનોએ પાણીનો મારો ચલાવીને આગ પર કાબુ મેળવી લીધો હતો.સદનસીબે જાનહાનિ થવા પામી ન હતી.જ્યારે મોટું નુકસાન થયું હોવાનું અનુમાન લગાવાયું હતું.

