જેતપુર પાવી પોલીસ સ્ટેશન હદ વિસ્તારમાં આવેલા પાવી ગરનાળા નજીક પોલીસ ટીમે ગેરકાયદેસર દારૂની હેરાફેરી સામે મોટી કાર્યવાહી કરી હતી. પોલીસે એક સફેદ રંગની મહિન્દ્રા કંપનીની XUV-500 ફોરવ્હીલર ગાડી ઝડપી પાડી હતી, જેમાંથી ભારતીય બનાવટનો વિદેશી દારૂ મળી આવ્યો હતો.
તપાસ દરમ્યાન પોલીસે દારૂ તથા વાહન સહિત કુલ રૂ. 1,71,902/-ની કિંમતનો પ્રોહી મુદ્દામાલ કબજે કર્યો હતો. આ સમગ્ર કાર્યવાહી જેતપુર પાવી પોલીસ ટીમ દ્વારા હાથ ધરવામાં આવી હતી.
આ મામલે સંડોવાયેલા આરોપીઓ સામે પ્રોહીબિશન અધિનિયમ હેઠળ ગુનો નોંધી કાયદેસરની કાર્યવાહી શરૂ કરવામાં આવી છે. દારૂ ક્યાંથી લાવવામાં આવ્યો હતો અને ક્યાં પહોંચાડવાનો હતો તે બાબતે પોલીસે વધુ તપાસ હાથ ધરી છે.
