સાવલી તાલુકામાંથી ૧૭ વર્ષીય સગીર યુવતીનું અપહરણ થયાની ઘટના સામે આવી છે. તા. ૨૫ જાન્યુઆરીની મધરાતથી સવારે ૫ વાગ્યા દરમિયાન યુવતી ગુમ થઈ હોવાનું પરિવારજનોએ પોલીસને જાણ કરી છે. યુવતીને લગ્નના ઇરાદે લલચાવીને ભગાવી લઈ ગયાનો આરોપ મુકાયો છે.
પ્રાપ્ત વિગતો મુજબ, યુવતી ગુમ થયા બાદ પરિવારજનોએ પહેલા પોતાની રીતે શોધખોળ હાથ ધરી હતી. આ કારણે ફરિયાદ નોંધાવવામાં મોડું થયું હોવાનું જણાવાયું છે. અંતે સાવલી પોલીસ સ્ટેશનમાં ભારતીય ન્યાય સંહિતા–૨૦૨૩ની કલમ ૧૩૭(૨) અને ૮૭ હેઠળ ગુનો નોંધાયો છે.
પોલીસ દ્વારા આરોપીની શોધખોળ શરૂ કરવામાં આવી છે તેમજ યુવતીને શોધવા માટે વિવિધ સ્થળોએ તપાસ ચાલી રહી છે. સમગ્ર મામલે વધુ તપાસ ચાલુ હોવાનું પોલીસ તરફથી જણાવાયું છે.
