માંગરોળ તાલુકાના નવાકોટડા ગામે ગ્રામ પંચાયતની નવનિર્મિત બિલ્ડિંગનું ખાતમુહૂર્ત કાર્યક્રમ યોજાયો હતો. સરકાર દ્વારા CDR–5 યોજના અંતર્ગત રૂ. 25 લાખની ફાળવણી કરવામાં આવતા આ નવી ઇમારતનું નિર્માણ કરવામાં આવી રહ્યું છે.
નવાકોટડા ગામે તાજેતરમાં નવી ગ્રામ પંચાયતની રચના કરવામાં આવી હતી, પરંતુ પંચાયત માટે અલગ બિલ્ડિંગ ન હોવાથી કામગીરીમાં મુશ્કેલીઓ પડતી હતી. સરકાર દ્વારા ફાળવાયેલી રકમથી હવે પંચાયત માટે નવું મકાન બનશે.
આ પ્રસંગે ધારાસભ્ય ભગવાનજીભાઈ કરગઠીયા, તાલુકા વિકાસ અધિકારી ચાવડા, તલાટી-મંત્રી ભાવિકાબેન ખેર, માયાબેન બારડ, જુના કોટડા ગામના સરપંચ પ્રતિનિધી નરસીંગભાઈ ખેર, તાલુકા પંચાયત સદસ્ય હાજીભાઈ જેઠવા, આમદભાઈ બતક સહિત અગ્રણીઓ અને મોટી સંખ્યામાં ગ્રામજનો ઉપસ્થિત રહ્યા હતા.
કાર્યક્રમ દરમિયાન નવા કોટડા ગામના સરપંચ પ્રતિનિધી હનીફભાઈ દ્વારા તાલુકા વિકાસ અધિકારી ચાવડા તેમજ અગ્રણી નરસીંગભાઈ ખેર સહિતના આગેવાનોને શાલ ઓઢાવી અને પુષ્પગુચ્છ આપી સન્માનિત કરવામાં આવ્યા હતા.
