વડોદરા શહેરના વાઘોડિયા રોડ પર આવેલી અંબિકા એપાર્ટમેન્ટમાં ભાગ તૂટવાની ઘટનાએ રહેવાસીઓમાં ભારે ચિંતા ફેલાવી છે.
ઘટનાના પગલે સ્થાનિકોએ પોતાની વ્યથા વ્યક્ત કરતા જણાવ્યું હતું કે, “અમે ઘર વગરના થઈ ગયા છીએ. મકાનો પર લોન ચાલી રહી છે અને હવે રહેવા માટે કોઈ વ્યવસ્થા નથી.”
રહેવાસીઓએ વધુમાં કહ્યું કે મોટા ભાગે પરિવારમાં મહિલાઓ કમાણી કરે છે, ત્યારે અચાનક આવી પરિસ્થિતિ સર્જાતા જીવન યાપન મુશ્કેલ બન્યું છે.
તેમણે સરકાર પાસે તાત્કાલિક રહેવાની વ્યવસ્થા કરવાની માંગ કરી છે. સાથે જ તેમના ઘરમાં જ રહેલો કિંમતી સામાન પણ હજુ અંદર જ હોવાનું જણાવી તેને સુરક્ષિત રીતે બહાર કાઢવામાં મદદ કરવાની વિનંતી કરી છે.
આ બનાવ બાદ તંત્ર દ્વારા બિલ્ડિંગની સ્થિતિ અંગે તપાસ હાથ ધરાઈ છે અને અસરગ્રસ્તોને મદદ માટે જરૂરી પગલાં લેવામાં આવે તેવી આશા રહેવાસીઓ વ્યક્ત કરી રહ્યા છે.
