વડોદરા શહેરમાં Nagar Prathmik Shikshan Samiti સંચાલિત શાળાના આચાર્યને પ્રાર્થના વગાડવાના મુદ્દે નોટિસ પાઠવાતા વિવાદ ઊભો થયો છે. આ મામલે શિક્ષણ સંઘ દ્વારા વિરોધ નોંધાવી આવેદનપત્ર આપવામાં આવ્યું છે.
માહિતી મુજબ, કવિ દુલા કાગ શાળામાં પ્રાર્થના વગાડવા બાબતે નજીકની ખાનગી શાળાએ District Education Office ને ફરિયાદ કરી હતી. જેના આધારે DEO દ્વારા શિક્ષણ સમિતિને નોટિસ પાઠવવામાં આવી હતી અને ત્યારબાદ શાસનાધિકારીએ આચાર્યને ખુલાસો આપવા કહ્યું હતું.
આ કાર્યવાહી સામે આજે નગર પ્રાથમિક શિક્ષણ સંઘના પ્રતિનિધિઓ મુખ્ય કચેરીએ પહોંચી વિરોધ નોંધાવ્યો હતો. સંઘના આગેવાનોનું કહેવું છે કે શાળા સરકારના પરિપત્ર અને નિર્ધારિત સમયપત્રક મુજબ જ પ્રાર્થના કરાવે છે, તેથી આચાર્યને નોટિસ આપવી ગેરવ્યાજબી છે.
વધુમાં તેમણે જણાવ્યું હતું કે આ શાળાની કાર્યશૈલીની પ્રશંસા મુખ્યમંત્રી અને શિક્ષણ મંત્રી દ્વારા પણ કરવામાં આવી છે અને શાળા સતત પ્રગતિ કરી રહી છે. આવા સમયે આચાર્ય સામે લેવામાં આવેલી કાર્યવાહી યોગ્ય નથી.
શિક્ષક સંઘે તંત્ર પાસે માંગણી કરી છે કે શાળામાં પ્રાર્થના અંગે સ્પષ્ટ માર્ગદર્શિકા આપવામાં આવે અને આચાર્યને આપવામાં આવેલી નોટિસ પર પુનર્વિચાર કરવામાં આવે.
