જેતપુર પાવી તાલુકાના ખટાસ ગામે આયુર્વેદિક દવા આપતા ખેડૂતના ત્યાં નકલી ઇન્કમટેક્સની રેડ કરી ૧૫ લાખની થયેલી છેતરપિંડી મામલે પોલીસે વધુ એક આરોપીને ઝડપી પાડ્યો છે.
૨૬ જાન્યુઆરી ૨૦૨૩ના રોજ અક્ષય કુમારની ફિલ્મ સ્પેશિયલ ૨૬ ની જેમ પાવીજેતપુર તાલુકાના ખટાસ ગામે ફતેહસિંહ રાઠવા ઉર્ફે મહારાજના ત્યાં ઇન્કમટેક્સના ઓફિસરોના સ્વાંગમાં બે કાર તથા એક બાઈક લઈ માણસો આવી નકલી ઇન્કમટેક્સની રેડ કરી તિજોરીઓ તેમજ મગફળીના ગોતામાં મુકેલા રોકડા રૂપિયા ૧૫ લાખની છેતરપિંડી કરીને ફરાર થઈ ગયા હતા. સમગ્ર મામલે કદવાલ પોલીસ સ્ટેશનમાં ગુનો નોંધાયો અને પોલીસ તપાસમાં ૧૩ આરોપીઓની સંડોવણી બહાર આવી. જે પૈકીના ફરાર આરોપી વડોદરાના એજાઝ શેખની પોલીસે ધરપકડ કરી છે. અત્યાર સુધીની પોલીસ તપાસમાં સામે આવેલ ઘટનાની વાત કરીએ તો ભોગ બનનારના સગા મહેશ રાઠવા જાણતો હતો કે ફતેસિંહ પાસે મોટી માત્રામાં રોકડા રૂપિયા છે. જેથી ત્યાં સાચી રેડ પાડવા માંગતો હતો. જેને લઈ તેણે લુણાવાડાના રમેશ માલીવાળનો સંપર્ક કર્યો અને રમેશ માલીવાડે જુદા જુદા લોકોનો સંપર્ક કરી નકલી રેઇડનો પ્લાન ઘડી નાખ્યો. હાલ ઝડપાયેલ આરોપી એજાજ શેખે પણ પોલીસને જણાવ્યું કે તેણે આ રેઇડ સાચી હોવાનું લાગ્યું, તેનું કામ એમાં ખાલી ત્યાં જવાનું હતું. અને બહાર ઉભા રહી વોચ રાખવાનું હતું, આના માટે તેણે એક લાખ રૂપિયા પણ મળ્યા હતા. જો કે ઘટનાના બે દિવસ બાદ એજાજને ખબર પડી કે આ નકલી અધિકારીઓ હતા. અને રેડ પણ નકલી હતી. હાલ તો પોલીસે ૧૩ પૈકી ૧૦ને ઝડપી પાડયા છે. અને હજી ૩ આરોપીઓને પકડવાની તજવીજ હાથ ધરી છે.
મોહસીન સુરતી છોટાઉદેપુર
