ગત ૧૩ મી જૂને તેજગઢ ગામે મિલકતના વિવાદને લઇ બે અલગ અલગ સમાજના જૂથો વચ્ચે ઝગડો થયો. ઝગડામાં મહિલાઓ પણ સામેલ હતી અને એક યુવતી ઉપર કેરોસીન છાંટી સળગાવવાનો પ્રયાસ કરાયો. તો નજીકથી પસાર થતાં નેશનલ હાઇવે ઉપર ઘાસના પુડા નાંખી ચક્કાજામ પણ કરાયો, બનાવની ગંભીરતાને ધ્યાને લઇ પોલીસે તાત્કાલિક કાર્યવાહી કરી સામસામે ફરિયાદ નોંધી જેમાં એક પક્ષ સામે હત્યાના પ્રયાસની ઘંભીર કલમ લગાડી કાયદેસરની કાર્યવાહી કરી. તેજગઢ ગામમાં બનાવના ગંભીર પ્રત્યાઘાત પડ્યા અને આજે એક પક્ષ સામે સમગ્ર તેજગઢ ગામ જડબેસલાક બંધ રાખી જિલ્લા કલેક્ટરને આવેદન પત્ર પાઠવી સામેવાળા માથાભારે અને ગામની શાંતિ ભંગ કરનારા તત્વો હોવાનો આક્ષેપ કરી તેમના સામે કડક કાર્યવાહીની માંગ કરી છે.
છોટાઉદેપુરના તેજગઢ ગામે બે જૂથ વચ્ચે ઝગડા બાદ આજે એક પક્ષ માથાભારે અને ગામમાં અશાંતિ ફેલાવનારા હોવાના આક્ષેપ સાથે આખેઆખું તેજગઢ ગામ બંધ રાખી જિલ્લા કલેક્ટરને આવેદન પત્ર પાઠવ્યું છે.
