સ્થાનિક સ્વરાજ્યની ચૂંટણીઓ હવે નજીક આવી રહી છે. જેના ઉપલક્ષમાં તમામ પક્ષે પોતપોતાની તૈયારીઓ શરૂ કરી દીધી છે. જેના ભાગરૂપે આજે છોટાઉદેપુર સર્કિટ હાઉસ ખાતે આમ આદમી પાર્ટીના ડેડીયાપાડાના ધારાસભ્ય ચૈતરભાઈ વસાવાની ઉપસ્થિતિમાં આમ આદમી પાર્ટીની અગત્યની બેઠક યોજાઈ હતી. આ બેઠકમાં ધારાસભ્યની સાથે જિલ્લા આમ આદમી પાર્ટીના પ્રમુખ રાધિકાબેન રાઠવા, તાલુકા આમ આદમી પાર્ટીના પ્રમુખ વરશનભાઈ રાઠવા સહિત ખૂબ મોટી સંખ્યામાં આમ આદમી પાર્ટીના કાર્યકર્તાઓ અને હોદ્દેદારો ઉપસ્થિત રહ્યા હતા. અને પાર્ટીને વધુ મજબૂત કઈ રીતે બનાવી શકાય તે અંગે ચર્ચા કરાઈ હતી. આમ આદમી પાર્ટીના ધારાસભ્ય ચૈતર વસાવાએ એક જાહેરાત કરી હતી. કે છોટાઉદેપુર નગરપાલિકાની ચૂંટણીની અંદર આમ આદમી પાર્ટીના સાતે સાત વોર્ડમાં ઉમેદવારો ઉતારવામાં આવશે.એમ ધારાસભ્ય ચૈતર વસાવા એ જણાવ્યું હતું.
સ્થાનિક સ્વરાજ્યની ચૂંટણીને ધ્યાનમાં લઈને આમ આદમી પાર્ટીની અગત્યની બેઠક સર્કિટ હાઉસ ખાતે યોજાઇ હતી.
