વડોદરા શહેરમાં અન્ય રાજ્યોમાંથી આવી વસવાટ કરતા લોકો સંખ્યા વધારે હોવાની વિગતો સપાટી પર આવી છે. ભાડુઆત અથવા તો કોઇ સબંધીના મકાનમાં રહેતી વ્યક્તિએ પોલીસ કમિશનરના જાહેરનામા અનુસાર નજીકના પોલીસ સ્ટેશનમાં તેઓની વિગતો સાથેની નોંધણી કરાવવાની હોય છે. પરંતુ તેનુ પાલન થતું હોય તેવું લાગતુ નથી. જેથી આ પ્રકારના લોકો અનેક વખત ગુનાને અંજામ આપ્યા બાદ નાસી છુટતા હોય છે. ત્યારે હવે ભાયલી જેવી ઘટના ફરી ન સર્જાય તે માટે વડોદરા પોલીસ દ્વારા શહેરમાં ઠેર ઠેર સર્ચ ઓપરેશનની સાથે સર્વેની શરૂઆત કરવામાં આવી છે. જેમાં સરકારી જમીન પર બાંધેલા ઝુપડા તથા ગેરકાયદે બનાવેલા મકાનોની સાથે જે મકાનમાં ભાડુઆત તરીકે રહેતી વ્યક્તિએ પોલીસ સ્ટેશનમાં નોંધણી નહીં કરાવી હોય તેવા તમામનો સર્વે હાથ ધરાશે છે. જો ભાડુઆતની નોંધણી નહીં જણાય તેવા કિસ્સામાં એ વ્યક્તિ સામે પોલીસ કમિશનરના જાહેરનામાના ભંગનો ગુનો નોંધી કાર્યવાહી કરવામાં આવશે. આ સાથે ગુનાહિત ઇતિહાસ ધરાવતી વ્યક્તિ તેમજ ગુનાહિત પ્રવૃતિ આચરવાની ટેવ ધરાવતા લોકોની તપાસ કરી રેકોર્ડ તૈયારી કરવાની શરૂઆત કરાઇ છે આમ પોલીસ કમિશનરની સખ્ત સુચના બાદ આ રીતે વડોદરા શહેરના ઝોન-૧ ઝોન-2 પોલીસ સ્ટેશન વિસ્તારમા કોંબીંગનુ આયોજન કરવામાં આવ્યું હતુ. જેમાં ગોરવા વિસ્તારમાં મધુનગર બ્રીજ પાસે આવેલ ફાતીમા રેસીડેન્સી, આલીયા રેસીડેન્સી તથા બોરીયા 1,2 તેમજ રૂષીનગર, ગોરવા ગામ તથા ગરાસીયા મોહલ્લામાં કોમ્બીંગની કામગીરી માટે બે અલગ અલગ ટીમ બનાવવામાં આવી હતી. જેમાં ગોરવા પોલીસ સ્ટેશનના પો.ઇન્સ. 2, પો.સબ.ઇન્સ 2 તથા પોલીસ કર્મચારી માણસો-18 તથા જવાહર નગર પોલીસ સ્ટેશનના પો.ઇન્સ.1 પો.સબ.ઇન્સ. તથા પોલીસ કર્મચારી માણસો-5 તથા ઝોન-1 એલ.સી.બીના પો.સબ.ઇન્સ.1 તથા પોલીસ કર્મચારી માણસો-3 તેમજ ડી.સી.બી.પોલીસ સ્ટેશનના પો.ઇન્સ.1 પો.સબ.ઇન્સ.2 તથા પોલીસ કર્મચારી માણસો-11 સાથે મળી નીચે મુજબની કામગીરી કરેલ છે.
ભાયલી સામુહિક દુષ્કર્મની ઘટના બાદ વડોદરા શહેરના ઝોન-૧ ઝોન-2 પોલીસ સ્ટેશન વિસ્તારમા કોંબીંગ કરવામાં આવ્યું જેમાં તમામ વિસ્તારોમાં ગેરકાયદે રહેતા લોકોની તપાસ શરૂ કરવામાં આવી
