વડોદરા શહેરમાં રોડ અકસ્માતનો ત્રાસ યથાવત છે. આજે ફરી એક કરુણ ઘટના સામે આવી છે, જ્યારે LNT સર્કલ નજીક એક ટ્રાવેલ્સ બસે બેકાબૂ વેગે દોડતી જઈ માતેલા સાંઢની જેમ હડફેટે લીધી હતી. આ અકસ્માતમાં એક નિર્દોષ મહિલાનું ઘટનાસ્થળે જ દૂર્ભાગ્યપૂર્ણ મોત થયું છે.
દુર્ઘટના બાદ 108 એમ્બ્યુલન્સની મદદથી મૃતદેહને એસ.એસ.જી. હોસ્પિટલ ખાતે પોસ્ટમોર્ટમ રૂમમાં ખસેડવામાં આવ્યો હતો. ઘટનાએ સ્થળ પર ભારે ભીડ ભેગી થઈ હતી અને લોકોમાં આક્રોશનો માહોલ જોવા મળ્યો હતો.
વડોદરા શહેરમાં આવરનવર થતા આવા અકસ્માતોને કારણે નાગરિકોમાં ભારે અસંતોષ છે તથા માર્ગ સુરક્ષા વ્યવસ્થા પર ગંભીર પ્રશ્નો ઊભા થયા છે.
