આગામી દિવાળીના તહેવારોને ધ્યાનમાં રાખીને વડોદરા મહાનગરપાલિકાનું આરોગ્ય વિભાગ હરકતમાં આવ્યું છે.ત્યારે આજે અલકાપુરીની એક મોટી હોટલમાં ચેકિંગ હાથ ધરી નમૂના લેવામાં આવ્યા હતા.
આગામી દિપાવલીના તહેવારોને ખાસ ધ્યાનમાં રાખીને વડોદરા મહાનગર પાલિકા નું આરોગ્ય વિભાગ હરકતમાં જોવા મળ્યું છે.શહેરના વિવિધ વિસ્તારોમાં ખાણીપીણીની ચીજ વસ્તુઓનું ચેકિંગ હાથ ધરી કાર્યવાહી કરવામાં આવી રહી છે. જેના કારણે લોકોના સ્વાસ્થ્ય સાથે ચેડાં કરનાર તત્વોમાં પણ ભારે ફાફડાટ ફેલાવવા પામ્યો છે. ત્યારે આજરોજ ફૂડ ઇસ્પેક્ટર ઓની ટીમે અલકાપુરીની એક્સપ્રેસ હોટલના કિચનમાં તપાસ કરવામાં આવી હતી. પનીર સાથે કેટલીક ખાદ્ય પદાર્થોનું સેમ્પલ એકત્ર કરીને પૃથકરણ માટે લેબોરેટરીમાં મોકલી આપવામાં આવ્યું હતું. જ્યારે અખાદ્ય પદાર્થનો નાશ કરવામાં આવ્યો હતો.
