વડોદરા ગ્રામ્ય એલસીબી (LCB) દ્વારા “ઓપરેશન પરાક્રમ” અંતર્ગત સાવલી વિસ્તારમાં મોટી કાર્યવાહી કરવામાં આવી છે. પોલીસે ભગવતી મિલ પાછળ આવેલી ખાલી માઇનર કેનાલમાંથી વિદેશી દારૂનો ગણનાપાત્ર જથ્થો ઝડપી લીધો હતો.
આ કાર્યવાહીમાં કુલ 44 પેટી બિયર સહિત 1560 બોટલ વિદેશી દારૂ જપ્ત કરવામાં આવ્યો છે. ઉપરાંત એક મોટરસાયકલ સાથે કુલ રૂ. 3,61,472/- નો મુદ્દામાલ કબ્જે લેવામાં આવ્યો છે.
પોલીસ ઘટનાસ્થળે પહોંચી ત્યારે બુટલેગર પોલીસને જોઈ ફરાર થઈ ગયો હતો. આ મામલે સાવલી પોલીસ સ્ટેશનમાં પ્રોહીબિશન એક્ટ હેઠળ ગણનાપાત્ર ગુનો નોંધવામાં આવ્યો છે.
ફરાર આરોપીની ધરપકડ માટે પોલીસ દ્વારા તપાસ શરૂ કરવામાં આવી છે અને તેની શોધખોળ માટે ચક્રો ગતિમાન કરાયા હોવાનું જાણવા મળ્યું છે.
