વડોદરા શહેરમાં જાહેર શાંતિ ભંગ કરનારાઓ સામે કડક કાર્યવાહી કરવાની પોલીસ કમિશ્નરની સૂચનાઓને અનુસરતા મકરપુરા પોલીસે ઝડપી કામગીરી કરી છે.
તારીખ 26/11/2025ની રાત્રે સ્કૂલના બે વિદ્યાર્થીઓ વચ્ચે થયેલા નાનાકિયા વિવાદને મોટા ભાઈઓ તથા મિત્રોએ વધારી દીધો હતો. બાદમાં બંને પક્ષો જશોદા કોલોની સોસાયટી વિસ્તારમાં ભેગા થઈ જાહેરમાં બોલાચાલી, ઝપાઝપી અને ગાળાગાળી કરતા આસપાસના વિસ્તારમાં ભય અને અશાંતિનું માહોલ સર્જાયો હતો.
ઘટનાની ગંભીરતા ધ્યાનમાં લેતા મકરપુરા પોલીસ સ્ટાફ તરત જ સ્થળ પર દોડી ગયો હતો. પોલીસે સી.સી.ટી.વી. ફૂટેજ અને હ્યુમન સોર્સ ઇનપુટ્સના આધારે ઝડપી તપાસ હાથ ધરી તથા બંને પક્ષના કુલ 7 ઈસમોને ઓળખી પકડી પાડ્યા છે.
આરોપીઓ વિરુદ્ધ કાયદેસરની કાર્યવાહી શરૂ કરવામાં આવી છે. પોલીસની આ ઝડપી કામગીરીથી વિસ્તારમાં ફરી શાંતિપૂર્ણ માહોલ સર્જાયો છે.
