નસવાડી પોલીસે રતનપુરા કેનાલ પાસે રાત્રે ચેકિંગ દરમિયાન બે હાઈફાઈ કારને અટકાવી તપાસ કરતા 62 પેટી વિદેશી દારૂ મળી આવ્યો હતો. પોલીસે બે બુટલેગરને સ્થળ પરથી જ પકડી પાડ્યા હતા, જ્યારે બે આરોપી ફરાર થતા તેમને વોન્ટેડ જાહેર કરવામાં આવ્યા છે.
દારૂ હેરાફેરી માટે ટેક્સી અને ખાનગી પાર્સીંગ કારનો ઉપયોગ
પકડી પાડવામાં આવેલી બંને કાર અમદાવાદ પાર્સીંગની હોવાનું બહાર આવ્યું છે. દારૂની હેરાફેરી માટે ટેક્સી પાર્સીંગ અને ખાનગી પાર્સીંગ વાહનોનો ઉપયોગ થતો હોવાનું પોલીસે જણાવ્યું છે.
બે આરોપી ઝડપાયા એક સાહીલ સાજિદ શેખ, વડોદરા તથા બીજો સમીર સુરેશ વાળા, અમદાવાદ. આ બંનેને પોલીસે કસ્ટડીમાં લઈ વધુ પૂછપરછ શરૂ કરી છે.
બે વોન્ટેડ આરોપી જાહેર કરાયા. પોલીસ મુજબ, નીચેના બે શખ્સોના નામ સામે આવ્યા હોવા છતાં તેમના પૂરતા સરનામા અને વિગતો ન મળતા વોન્ટેડ તરીકે નોંધાયા છે:
જેના નામ વિકુ પટેલ તથા ધ્રુવ પટેલ છે.
કાર્યવાહી દરમિયાન રૂ. 4 લાખનો વિદેશી દારૂ, કારો સહિત કુલ રૂ. 16.34 લાખનો મુદ્દામાલ કબ્જે કરવામાં આવ્યો છે.
પોલીસ હવે સપ્લાય ચેઇન, ફાઇનાન્સર અને સંડોાયેલા અન્ય લોકોને લઈને વધુ તપાસ કરી રહી છે.
