ડભોઈ શહેર અને પંથકની જનતા માટે લાંબા સમયની પ્રતીક્ષાનો અંત આવ્યો છે. ડભોઈ રેલવે સ્ટેશન પર છેલ્લા ઘણા સમયથી ખોરંભે પડેલા ફૂટ ઓવરબ્રિજ (FOB) નું કામ હવે અત્યંત ઝડપથી શરૂ કરી દેવામાં આવ્યું છે. છેલ્લા બે દિવસથી રેલવે પ્રશાસન દ્વારા ચાલી રહેલી આ કામગીરીને પગલે સ્થાનિકોમાં ખુશીની લહેર જોવા મળી રહી છે.
વિરાટ ક્રેન આકર્ષણનું કેન્દ્રઆજરોજ સ્ટેશન પરિસરમાં બે મોટી વિશાળ ક્રેન દ્વારા પિલ્લર અને ભારે ગાર્ડરો ગોઠવવાની કામગીરી હાથ ધરવામાં આવી હતી. આટલી મોટી મશીનરી અને અત્યાધુનિક ટેકનોલોજીથી થતું કામ જોવા માટે દૂર-દૂરથી લોકો ઉમટી પડ્યા હતા. ખાસ કરીને ટેકનોલોજીના આ અદભૂત નજારાને જોઈને લોકોમાં આશ્ચર્ય સાથે કુતૂહલ પણ જોવા મળ્યું હતું.મુસાફરોની હાલાકીનો આવશે અંત ડભોઈ રેલવે સ્ટેશન પર ઓવરબ્રિજના અભાવે મુસાફરોને એક પ્લેટફોર્મ પરથી બીજા પ્લેટફોર્મ પર જવા માટે ભારે મુશ્કેલી વેઠવી પડતી હતી. આ સમસ્યાની કેટલીક વૃદ્ધો અને દિવ્યાંગોની મુશ્કેલી: લિફ્ટ કે યોગ્ય બ્રિજ ન હોવાને કારણે ઉંમરલાયક વ્યક્તિઓ અને દિવ્યાંગોને પાટા ઓળંગવામાં કે લાંબો રસ્તો કાપવામાં ખૂબ તકલીફ પડતી હતી.સમયનો બગાડ: ટ્રેન પકડવા માટે મુસાફરોએ નિર્ધારિત સમય કરતાં ઘણું વહેલું સ્ટેશને પહોંચવું પડતું હતું, કારણ કે પ્લેટફોર્મ બદલવામાં ઘણો સમય જતો હતો.જોખમી મુસાફરી: યોગ્ય વ્યવસ્થાના અભાવે અગાઉ મુસાફરો જોખમ ખેડીને અવરજવર કરતા હતા, જેનો હવે કાયમી ઉકેલ આવશે જનતામાં ખુશીનો માહોલ
રેલવે સત્તાધીશો દ્વારા લેવાયેલા આ ત્વરિત નિર્ણય અને રાત-દિવસ ચાલી રહેલી કામગીરીથી ડભોઈની જનતામાં સંતોષની લાગણી છે. સ્થાનિકોનું કહેવું છે કે આ બ્રિજ તૈયાર થવાથી ડભોઈ રેલવે સ્ટેશનની સુવિધાઓમાં મોટો વધારો થશે અને મુસાફરોનો પ્રવાસ વધુ સુખદ બનશે.
