માહિતી મુજબ, કુમેદાન ફળિયામાં આવેલ વૈદેહી હોમ્સના D-302માં રહેતો હિમાંશુ ઉર્ફે ભઈલુ કહાર વિદેશી શરાબના વેપારમાં સંડોવાયેલો હોવાની બાતમી મળી હતી. જેના આધારે PCB પોલીસ દ્વારા પો.ઈ.સી.બી ટંડેલના માર્ગદર્શન હેઠળ ટીમે સ્થળ પર છાપો માર્યો હતો.
છાપા દરમિયાન હિમાંશુની અલ્ટો કારમાંથી રૂ. 31,200 કિંમતની વિદેશી શરાબની 96 બોટલ મળી આવી હતી. પોલીસે કાર સહિત કુલ રૂ. 1,31,200નો મુદામાલ કબ્જે કરી હિમાંશુને ઝડપી પાડ્યો હતો.
બાદમાં PCB પોલીસે આરોપી અને જપ્ત માલને વધુ કાર્યવાહી માટે રાવપુરા પોલીસને સોંપ્યા હતા. રાવપુરા પોલીસે આરોપીની ધરપકડ કરી કાયદેસરની કાર્યવાહી શરૂ કરી છે.
શહેરના ભરચક વિસ્તારમાં આટલી મોટી માત્રામાં વિદેશી શરાબ ઝડપાતા સ્થાનિક રહીશોમાં નારાજગી જોવા મળી રહી છે.
