વડોદરા શહેરમાં દારૂના ગેરકાયદેસર વેપાર સામે પોલીસ દ્વારા કડક સંદેશ આપતી મોટી કાર્યવાહી કરવામાં આવી છે. ઝોન–2 વિસ્તારમાં આવતાં રાવપુરા, ગોત્રી, નવાપુરા, જે.પી. રોડ, અકોટા અને અટલાદરા પોલીસ સ્ટેશન દ્વારા જપ્ત કરવામાં આવેલા દારૂનો જાહેરમાં નાશ કરવામાં આવ્યો હતો.
કોયલી ચેકપોસ્ટ પાસે ખાસ આયોજન કરીને મોટી માત્રામાં જપ્ત કરાયેલ દારૂનો નાશ કરવામાં આવ્યો.
આ સમગ્ર કાર્યવાહી દરમિયાન ઝોન–2ના DCP, ACP, સંબંધિત PI અધિકારીઓ તેમજ SDM અધિકારીની હાજરીમાં કાયદેસરની પ્રક્રિયા પૂર્ણ કરવામાં આવી હતી.પોલીસ વિભાગના જણાવ્યા મુજબ, શહેરમાં ગેરકાયદેસર દારૂના વેચાણ અને હેરાફેરીને સંપૂર્ણ રીતે રોકવા માટે આ પ્રકારની કાર્યવાહી સતત કરવામાં આવશે.પોલીસ અધિકારીઓએ જણાવ્યું કે છેલ્લા કેટલાંક સમયથી અલગ–અલગ વિસ્તારોમાં દરોડા પાડી મોટી માત્રામાં દારૂ જપ્ત કરવામાં આવ્યો હતો.આ તમામ કેસોની કાયદેસરની કાર્યવાહી પૂર્ણ થયા બાદ આજે જાહેરમાં તેનો નાશ કરવામાં આવ્યો છે.
