વાહન ચાલકો હેરાન પરેશાન થયા છે.
છોટાઉદેપુર તાલુકાના નેશનલ હાઇવે નંબર 56 ઉપર આવેલ ચિસાડિયા ગામ પાસે રેલ્વે ઓવરબ્રિજ આવેલ છે. આ રેલવે ઓવરબ્રિજ ઉપર ભારે વરસાદના કારણે ઠેર ઠેર ખાડા પડી ગયા છે. મધ્યપ્રદેશ અને ગુજરાતનો આ માર્ગ છે. અને દરરોજ અહીંયાથી હજારોની સંખ્યામાં વાહનો પસાર થાય છે. વરસાદ પડે અને બ્રિજ ઉપર ખાડા પડી જાય છે. બ્રિજ ઉપર મસ મોટા ખાડા પડી ગયા છે. બ્રિજ ઉપર ખાડા એટલી હદે પડી ગયા છે કે ખાડાની અંદર એંગલો પણ દેખાઈ રહી છે. વાહન ચાલકો માટે જીવનું જોખમ ઊભું થયું છે. તંત્ર દ્વારા લીપાપોતી કરીને ફક્ત સંતોષ માનવામાં આવે છે. પરંતુ વહેલી તકે સારી કામગીરી કરવામાં આવે તેવી વાહન ચાલકો અને રાહદારીઓ માંગ કરી રહ્યા છે.
