અંદાજે ૧૨ જેટલા મજૂરો, ૨ ડમ્પર અને ૧ રોલર દ્વારા રસ્તા પરના ખાડાઓનું પેચ વર્ક કરવામાં આવ્યું
છોટાઉદેપુર જિલ્લામાં ભારે વરસાદના કારણે માર્ગ અને મકાન વિભાગ સ્ટેટના માર્ગો ક્ષતિગ્રસ્ત થયા હતા. માર્ગ અને મકાન વિભાગ સ્ટેટ દ્વારા યુદ્ધના ધોરણે ભારે વરસાદના કારણે માર્ગો પર પડેલા ખાડાના સમારકામની ઝડપી કામગીરી હાથ ધરવામાં આવી છે.
છોટાઉદેપુર જિલ્લામાં મોડાસર ચોકડી થી રંગલી ચોકડી સુધીના ૧૩ કિમીના માર્ગ પર વરસાદને લીધે પડેલા ખાડાઓ પૂરી માર્ગ અને મકાન વિભાગ સ્ટેટ દ્વારા રોડ પુન: કાર્યરત કરવામાં આવ્યો હતો. અંદાજે ૧૨ મજૂરો, ૨ ડમ્પર અને ૧ રોલર દ્વારા ક્ષતિગ્રસ્ત માર્ગ પરના ખાડાઓનું પેચવર્ક કરી વાહનવ્યવહાર માટે સુગમ બનાવવામા આવ્યો હતો.
