વડોદરા પાર્કસ એન્ડ ગાર્ડન તથા ઝૂ ખાતાના તમામ કર્મચારીઓએ આઉટસોર્સિંગની નીતિ સામે વિરોધ નોંધાવ્યો છે. સફાઈ કામદાર સંઘર્ષ સમિતિ વડોદરા યુનિયન દ્વારા મ્યુનિસિપલ કમિશનરને આવેદનપત્ર આપીને આ નિર્ણય પર પુનર્વિચારની માંગ કરવામાં આવી છે.
કર્મચારીઓનું કહેવું છે કે, 17 એપ્રિલ 2025 ના રોજ આઉટસોર્સિંગ મુદ્દે યોજાયેલી મીટિંગથી જ વિરોધ શરૂ થયો હતો, છતાં 18 જૂનના રોજ ઓનલાઈન જાહેરાત દ્વારા આઉટસોર્સિંગની પ્રક્રિયા આગળ વધારાઈ હતી. જેને લઇ સંઘ દ્વારા હાઇકોર્ટમાં અરજી કરવામાં આવી હતી અને અત્યારે આઉટસોર્સિંગ પર સ્ટે ઓર્ડર મળ્યો છે.
કર્મચારીઓએ અગાઉ કાયમી બનાવાયેલા માનવદિન કર્મચારીઓની જેમ કાયમીપણાનો લાભ આપવા માંગ ઊઠાવી છે. તેઓએ જણાવ્યું કે આ મુદ્દે તેઓ સતત રજુાત કરી રહ્યા છે અને હવે આંદોલનના પગલાં લેવાની નોબત આવી છે.
વિશેષ રૂપે, કોઈપણ કર્મચારીને હેરાન કરવાની જવાબદારી તંત્રની રહેશે, તેવું સંઘએ સ્પષ્ટ રૂપે જણાવ્યું છે.
