વડોદરા મહાનગર પાલિકાની હાઉસિંગ યોજનામાં બેદરકારીનો big shock : ડ્રોના મેસેજમાં ગોટાળો, 500થી વધુ લોકો ઉમટ્યા
વડોદરા શહેરમાં મહાનગર પાલિકાની એફોર્ડેબલ હાઉસિંગ યોજનાના અધિકારીઓની ગંભીર બેદરકારી બહાર આવી છે. ઈડબલ્યુએસ આવાસ યોજનાના મકાનના ડ્રો અંગે તંત્ર દ્વારા બે વિરોધાભાસી મેસેજ મોકલાતા લાભાર્થીઓમાં ભારે ગોટાળાની સ્થિતિ સર્જાઈ.
સવારે મોકલાયેલા મેસેજમાં 10 તારીખે ડ્રો હોવાનું જણાવાયું હતું, જ્યારે બપોર પછી મોકલાયેલા બીજા મેસેજમાં 11 તારીખે ડ્રો રાખ્યો હોવાની માહિતી આપવામાં આવી. તંત્ર તરફથી 10 તારીખનો ડ્રો રદ થયાની કોઈ સ્પષ્ટ જાણકારી ન મળતા લાભાર્થીઓ ભ્રમમાં મુકાયા.
તેના પગલે સયાજીનગર ગૃહ ખાતે 500થી વધુ લાભાર્થીઓ ઉમટી પડ્યા હતા. અચાનક ભીડ વધી જતાં સ્થળ પર અવ્યવસ્થા સર્જાઈ હતી અને લોકોમાં ભારે રોષ જોવા મળ્યો.
લાભાર્થીઓએ આક્ષેપ કર્યો કે ચૂંટણીઓ નજીક હોવાથી તંત્ર બેદરકારીભર્યું વર્તન કરી રહ્યું છે અને પ્રક્રિયામાં પારદર્શિતા નો અભાવ છે.
કુલ મળીને, મહાનગર પાલિકાની બેદરકારીના કારણે લાભાર્થીઓને ભારે પરેશાનીનો સામનો કરવો પડ્યો છે.
