વડોદરા શહેરના Gorwa વિસ્તારમાં આજે સ્ટેટ મોનિટરિંગ સેલ (SMC) દ્વારા મોટી કાર્યવાહી હાથ ધરવામાં આવી હતી. ગોરવાના પંચવટી ગંગાનગર વિસ્તારમાં પાડવામાં આવેલી આ રેડ દરમિયાન લાખો રૂપિયાનો દારૂ જપ્ત કરવામાં આવ્યો હતો.
માહિતી મુજબ, લાંબા સમયથી અહીં ગેરકાયદેસર રીતે દારૂનો વેપાર ચાલી રહ્યો હોવાની બાતમીના આધારે SMCએ દરોડો પાડ્યો હતો. કાર્યવાહી દરમિયાન સ્થળ પરથી દારૂ ઉપરાંત ત્યાં હાજર ગ્રાહકોને પણ ઝડપી પાડવામાં આવ્યા હતા.
આ રેડ દરમિયાન ટુ-વ્હીલર અને કાર સહિતનો મુદ્દામાલ પણ કબજે કરવામાં આવ્યો છે. ઝડપાયેલા તમામ આરોપીઓ અને જપ્ત કરાયેલ માલને આગળની કાર્યવાહી માટે Jawaharnagar Police Station ખાતે લઈ જવામાં આવ્યો છે.
પોલીસ દ્વારા સમગ્ર મામલે વધુ તપાસ હાથ ધરવામાં આવી રહી છે અને આ ગેરકાયદેસર પ્રવૃત્તિ સાથે સંકળાયેલા અન્ય લોકો સુધી પહોંચવા પ્રયાસો તેજ કરવામાં આવ્યા છે.
