વડોદરા શહેરની સૌથી મોટી સરકારી હોસ્પિટલ Sir Sayajirao General Hospital ખાતે હવે આધુનિક NDR લેઝર મશીન શરૂ કરવામાં આવ્યું છે. આ મશીન દ્વારા શરીર પર બનાવાયેલા ટેટૂ તેમજ લાખુ જેવા ડાઘ દૂર કરવાની સુવિધા ઉપલબ્ધ બનશે.
હોસ્પિટલ સત્તાવાળાઓના જણાવ્યા મુજબ, આ લેઝર મશીનથી શરીર પરના વિવિધ પ્રકારના ડાઘોને પણ અસરકારક રીતે દૂર કરી શકાય છે. શહેરમાં અનેક જગ્યાએ લોકો ટેટૂ કરાવે છે, પરંતુ પછી કોઈ કારણસર તેને દૂર કરાવવા માટે ખાનગી ક્લિનિકમાં મોટી રકમ ચૂકવવી પડતી હોય છે.
હવે આ સુવિધા સરકારી હોસ્પિટલમાં ઉપલબ્ધ બનતા નાગરિકોને મોટી રાહત મળશે, કારણ કે અહીં ટેટૂ અને ડાઘ દૂર કરવાની સારવાર નિશુલ્ક આપવામાં આવશે.
આ નવી સેવા શરૂ થવાથી સામાન્ય નાગરિકોને આધુનિક સારવાર સરળતાથી અને મફતમાં ઉપલબ્ધ થશે, જે આરોગ્ય ક્ષેત્રમાં મહત્વપૂર્ણ પગલું માનવામાં આવી રહ્યું છે.
