વડોદરા મહા નગર પાલિકામાંથી ગુમ થયેલ ફાઈલોને લઈને સામાજિક કાર્યકર્તા અતુલ ગામેચીએ આવેદન પત્ર આપી રજૂઆત કરી

કમાટીબાગ ખાતેના કેમ્પ હાઉસ ખાતેથી ફેબ્રુઆરીમાં અતાપી વન્ડરલેન્ડ થીમ પાર્કની ફાઈલો ગુમ થઈ હતી. જેની ફરિયાદ સયાજીગંજ પોલીસ મથકે કરાતાં પોલીસે કેમ્પ ઓફિસનું પંચનામું કરવા મ્યુ. કમિશનરની પરવાનગી માગી છે. બીજી તરફ પીએ અને ફાઈલનું રજિસ્ટર મેન્ટેન કરતા કર્મચારી સહિત 5 કર્મીઓનાં નિવેદન લેવાયાં છે. તત્કાલીન મ્યુનિસિપલ કમિશનરની બદલી થતાં પૂર્વે પાલિકાના કમાટીબાગ ખાતેના કેમ્પ હાઉસથી ફાઈલ ગુમ થવાની ઘટના બની હતી. કમાટીબાગમાં આવેલા કેમ્પ હાઉસમાંથી ફાઈલ ગુમ થતાં અધિકારીઓ અને કર્મચારીઓએ શોધખોળ શરૂ કરી હતી. જોકે પણ ફાઈલ ન મળતાં પાર્ક્સ એન્ડ ગાર્ડન વિભાગના અધિકારીઓએ સયાજીગંજ પોલીસ મથકમાં ફાઈલ ગુમ થયાની અરજી આપી હતી, જેની પોલીસે તપાસ શરૂ કરી છે. જેને લઈ સામાજિક કાર્યકર્તા એ મ્યુનિસિપલ કમિશનરને રજૂઆત કરવામાં આવી હતી કે જે તે અધિકારી સામે કડકમાં કડક કાર્યવાહી કરવામાં આવે સાથે અતાપી વનડર લેન્ડ થીમ પાર્ક નું ફાઇલ ગુમ થવી કે કરવી એની તપાસ કરવામાં આવે અને જેતે અધિકારીઓ સામે કાર્યવાહી કરવામાં આવે તેવી માંગ કરવામાં આવી