રાજ્યકક્ષાના પંચાયત અને કૃષિ વિભાગના મંત્રી બચુભાઈ ખાબડ આજે છોટાઉદેપુર જિલ્લાની મુલાકાતે આવ્યા હતા. મંત્રી બચુભાઈ ખાબડે છોટાઉદેપુર જિલ્લા પંચાયત ખાતે જિલ્લા પંચાયત સદસ્યો તાલુકા પંચાયતના પ્રમુખો અને વિવિધ વિભાગના અધિકારીઓ સાથે વિકાસલક્ષી કામોને લઈને સમીક્ષા બેઠક યોજી હતી. આ બેઠકમાં જિલ્લા વિકાસ અધિકારી સચિન કુમાર, લોકસભાના સાંસદ જશુભાઈ રાઠવા, જિલ્લા પંચાયતના પ્રમુખ મલકાબેન પટેલ સહિત વિવિધ વિભાગના અધિકારીઓ તાલુકા પંચાયતના પ્રમુખો અને જિલ્લા પંચાયત સદસ્યો ઉપસ્થિત રહ્યા હતા. આ બેઠકની અંદર વિકાસ લક્ષી વિવિધ મુદ્દાઓની ચર્ચા કરવામાં આવી હતી. અને મંત્રીએ અધિકારીઓને જરૂરી સૂચનો પણ કર્યા હતા.
મોહસીન સુરતી છોટાઉદેપુર
