ગુજરાત શિક્ષણ બોર્ડની ધો.10ની પરીક્ષાનું પરિણામ જાહેર થયું છે.ત્યારે,પરિણામ સારું આવતા વિદ્યાર્થીઓ અને વાલીઓ ગરબે ઘૂમ્યા હતા.
ગુ.શિક્ષણ બોર્ડનું ધોરણ 10 નું 83.8% પરિણામ જાહેર થયું છે ગત વર્ષ કરતાં આ વર્ષે 0.52 ટકા પરિણામ વધુ આવ્યું છે.જેમાં વિદ્યાર્થીઓનું પરિણામ 79.56 ટકા જ્યારે વિદ્યાર્થીનીઓનું 87.24% પરિણામ આવ્યું છે.દીકરાઓ કરતાં દીકરીઓએ 7.68% આગળ રહીને બાજુ મારી છે.વડોદરાનું ધોરણ 10નું પરિણામ 76.65 ટકા આવ્યું છે.આ વખતે વડોદરાના 36,758 વિદ્યાર્થીઓએ પરીક્ષા આપી હતી. ધો.10 ની બોર્ડની પરીક્ષામાં 28,175 વિદ્યાર્થીઓ પાસ થયા છે.બીજી તરફ પરિણામ સારું આવતા વિદ્યાર્થીઓ અને વાલીઓ ગરબે ઘૂમ્યા હતા.
