વડોદરાના ગોરવા વિસ્તારમાં 5 વર્ષની બાળકીના શંકાસ્પદ મોતનો બનાવ સામે આવ્યો છે. માહિતી મુજબ બાળકીના માતા–પિતાનું પહેલાથી અવસાન થઈ ગયું હોવાથી તે દાદા–દાદી સાથે રહેતી હતી.
બાળકી ને શરદી થતા તેના કાકાએ કફ સિરપ આપ્યું હોવાનું બહાર આવ્યું છે. પરંતુ દવા આપ્યા બાદ બાળકીની તબિયત અચાનક બગડતા તેને ખાનગી હોસ્પિટલમાં ખસેડવામાં આવી હતી, જ્યાં સારવાર દરમિયાન તેનું મોત થયું.
મૃત્યુ શંકાસ્પદ જણાતા બાળકીની માસીએ દવા અંગે શંકા વ્યક્ત કરી હતી. મામલો ગોરવા પોલીસ સુધી પહોંચતા પોલીસે તપાસ શરૂ કરી છે. ચાર સિરપની બોટલો FSL તપાસ માટે મોકલવામાં આવી છે.
પેનલ પોસ્ટમોર્ટમ બાદ હવે મોતનું સાચું કારણ જાણવા માટે વિસેરા રિપોર્ટની રાહ જોવામાં આવી રહી છે.
