ચોમાસુ પૂર્ણ થઈ ગયુ છે અને શિયાળો શરૂ થઈ ગયો છે તેમ છતાં પણ શહેરમાં રસ્તાઓ પર ભુવા પડવાનો સિલસિલો યથાવત રહ્યો છે. શહેરના વાઘોડિયા રોડ પર દર્શનમ વર્ટીકા પાસે પડેલા ભુવામાં રેતી ભરેલી ટ્રક ફસાઈ જતા રોડ સાંકડો થઈ જતાં ટ્રાફિકની સમસ્યા સર્જાઈ હતી. ઉલ્લેખનીય છે કે અહિયાં છેલ્લા 5 મહિના થી ડ્રેનેજ કામગીરી કરવા ખોદાણ કરાયું હતું. જેનું યોગ્ય પુરાણ ન કરાયું હોઇ ત્યાં થી રેતી ભરીને પસાર થતી ટ્રકનુ પાછળનુ ટાયર માટી માં ખૂપતા ભૂવા એ આકાર લીધો હતો. જેને જેસીબી ની મદદ થી બહાર કાઢવાની કામગીરી શરૂ કરાઇ હતી. ત્યારે ઘટના ને લઈ ને તંત્ર ની કામગીરી સામે સ્થાનિકો એ રોષ ઠાલવ્યો હતો.
વગર વરસાદે પડેલા ભૂવામાં ટ્રક ફસાતા સ્થાનિકોએ રોષ ઠાલવ્યો
