આગામી એકતા દિવસની ઉજવણીને લઈ પાલિકાનું તંત્ર હરકતમાં આવ્યું છે.ત્યારે આજે ગોલ્ડન ચોકડીથી કપુરાઈ ચોકડી સુધીના નડતરરૂપ દબાણો દૂર કરવામાં આવ્યા હતા.
આગામી એકતા દિવસની ઉજવણીને લઈને દેશના વડાપ્રધાન નરેન્દ્ર મોદીના કાર્યક્રમના અનુસંધાને વડોદરા મહાનગરપાલિકાનું તંત્ર હરકતમાં આવ્યું છે.આજથી દબાણનો સફાયો બોલાવવાની કામગીરી હાથ ધરવામાં આવી રહી છે. ત્યારે શહેરના ગોલ્ડન ચોકડીથી કપૂરાઈ ચાર રસ્તા સુધીના તમામ ગેરકાયદેસર દબાણોનો સફાયો બોલાવવામાં આવ્યો હતો. રસ્તા ઉપર આવતી તમામ લારી ગલ્લાઓ તેમજ ઝુંપડાઓને હટાવવાની કામગીરી હાથ ધરી હતી.ગેરકાયદેસર ઊભા કરેલા ઝૂંપડાઓ લારી ગલ્લાઓ અને શેડ દબાણ શાખાની ટીમે પોલીસના બંદોબસ્ટને સાથે રાખીને દૂર કર્યા હતા.
