વડોદરા શહેરના પશ્ચિમ ટ્રાફિક પોલીસ વિભાગ દ્વારા હરાજીમાં વિવિધ પ્રકારના વાહનો, જેમ કે મોટરસાયકલ, કાર, અને અન્ય વાહનોની હરાજી વડોદરા ટ્રાફિક પશ્ચિમ વિભાગની કચેરીની સામેના ગ્રાઉન્ડમાં કરવામાં આવી હતી,જે લાંબા સમયથી પોલીસ સ્ટેશનમાં બિનઉપયોગી સ્થિતિમાં વાહનો હતા. હરાજીનું મુખ્ય ઉદ્દેશ્ય આ વાહનોનો યોગ્ય ઉપયોગ સુનિશ્ચિત કરવો અને જાહેર સ્થળોમાંથી અવરોધ દૂર કરવો હતું.હરાજીમાં ભાગ લેવા ઇચ્છુક લોકો માટે અગાઉથી નોંધણી ફરજિયાત રાખવામાં આવી હતી. હરાજી પ્રક્રિયા પારદર્શક અને નિયમિત રીતે સંપન્ન કરવામાં આવી હતી, જેમાં બોલી લગાડનારાઓને યોગ્ય માહિતી અને માર્ગદર્શન આપવામાં આવ્યું હતું. આ હરાજી દ્વારા સરકારને આવકનું સ્ત્રોત મળ્યું અને સાથે જ સામાન્ય જનતાને સસ્તા દરે વાહનો મેળવવાની તક મળી.આ પ્રકારની હરાજીઓથી શહેરમાં ટ્રાફિક વ્યવસ્થા સુધારવામાં મદદ મળે છે અને અવરોધિત વાહનોની સંખ્યા ઘટાડવામાં સહાય થાય છે.ત્યારે આજે હરાજીમાં કુલ ૮૦ ઇચ્છુક ઉમેદવારોએ ભાગ લીધો હતો સાથે કુલ ૩૮ વાહનોની ૧,૯૫,૦૦૦ માં બોલી ફાઈનલ થઈ હતી, આ હરાજીમાં ટ્રાફિક વિભાગના ડીસીપી જ્યોતિ પટેલ પશ્ચિમ વિભાગના અને ડી એમ વ્યાસ ખાસ ઉપસ્થિત રહ્યા હતા.
વડોદરાના સયાજીગંજ પશ્ચિમ ટ્રાફિક પોલીસ વિભાગ દ્વારા વાહનોની હરાજી કરવામાં આવ્યું.
