વડોદરા શહેર અને તેની આસપાસના વિસ્તારોમાં વાઇરલ થયેલા એક વીડિયોમાં સ્પષ્ટ જોઇ શકાતું હતું કે એસએસજી હોસ્પિટલમાં એમ્બ્યુલન્સનો એક ડ્રાઇવર એક દર્દીના ટાંકા લઇ રહ્યો હતો. આ વીડિયો વાઇરલ થતાં આ હોસ્પિટલની ભારે બદનામી થઇ હતી અને હોસ્પિટલના સુપરિન્ટેન્ડન્ટ દ્વારા તાત્કાલિક તપાસના આદેશ અપાયો હતો. એમ્બ્યુલન્સના એક ડ્રાઇવરે એક દર્દીના ટાંકા લીધા હતા. આ ડ્રાઇવરને પણ ખબર નહોતી કે પોતાની આ કરતૂતનો કોઇ વીડિયો ઉતારી રહ્યો છે, આ ડ્રાઇવરે એક નિષ્ણાત ડોક્ટરની અદાથી દર્દીના ટાંકા લીધા ત્યાં સુધી ઇમરજન્સી વિભાગના વડા, સ્થળ ઉપરના ડોક્ટર કે નર્સને એમ કોઇને જાણ થઇ નહોતી, અથવા તો પછી એમ કહી શકાય કે તેઓની મંજૂરીથી અને રહેમ નજરથી જ ડ્રાઇવરે દર્દીના ટાંકા લેવાનું દુઃસાહસ કર્યું હોવું જોઇએ.
વડોદરાની સર સયાજી જનરલ હોસ્પિટલ ફરી એકવાર વિવાદમાં આવી
